Transcription
1
Reçue à Grenoble, le 21 mars 1573.
2
Monsieur, par Maitre Jean de Laval je vous ay rescrist
3
et despuis ay receu celles que vous a plus manvouier par le
4
mullatier que monsieur de La Coste avoit mandé là haut,
5
estent très aise de la continuation de votre santé et de
6
madame de Gordes. La surprinse du Poussin nous
7
a mitz tous bien en peine, sachant de combien
8
cella vous importe au repoz de votre gouvernement.
9
Vous n’ignorés leurs deportementz et rusez et
10comme on s’y fier. Je [barré : v ] prie Dieu vous y assister
11
et tenir en sa sainte garde. Je cuide aiés veu
12
monsieur de Cabanes qui debvoit arriver ce IIIe
13
du present à St Gervaiz. Le roy nous a
14
escrit faire information de ceulx qui tiennent
15
abbaies et aultres benefices consistoriaulx par
16
tiltre ou economat et la luy envoier qu’est par
17
la plaincte du nonce du pape de laquelle m’aviés
18
escrist. Je vous supplie monsieur faire mettre celle
19
que j’escris à monsieur de Chastellard en la premiere
20
despêche que luy ferés. Je layssay avant-hier
21
madame de Caseneufve et toute sa petite compagnie
22
en fort bone senté Dieu graces et monsieur de Saint Sernin
23
et moy en sommes de mesmes, et saluons voz bones
24
graces et de madame de Gordes de noz très humbles
25
recommandations, priant Dieu vous donner,
26
monsieur, en la siene très bone et longue
27
vie d’Apt, ce Ve mars 1573.
28
Votre très humble et très obeissant frère
29
François de Simiene